Kur je ti objekti i interesit (preja)

Vazhdim i artikullit: Komunikimi trupor (gjuha e trupit)

Për të realizuar vallëzimin e intimitetit nevojiten dy njerëz. Edhe në rastin kur ti je "preja" dhe jo "gjuetari", veprimet janë po ato që u diskutuan tek artikulli "Komunikimi trupor (gjuha e trupit)". Megjithatë, për fat të keq shumë marrëdhënie potencialisht të suksesshme nuk fillojnë fare pasi që "preja" aksidentalisht zmbraps "gjuetarin" nëpërmjet disa veprimeve aspak miqësore.

Ndryshe nga gjuetarët e derrave, apo ata të rosave, "gjuetarët e njerëzve" vuajnë nga një dobësi themelore. Ajo është pasiguria dhe turpi. Kur mashkulli ose femra hedh sytë drejt teje, ti duhet të lësh të kuptohet menjëherë, nëpërmjet komunikimit trupor, se e mirëpret interesimin e tij/saj. Vetëm pasi të kesh dhënë një sinjal të qartë aprovimi mund të vazhdohet me "vallëzimin e intimitetit".

Një herë isha në një "party" me shoqen time, Dianën. Një djalë shumë simpatik i buzëqeshi Dianës, ndërsa ajo largoi sytë. Pastaj më tha mua "ai djali simpatik, atje sapo më buzëqeshi". "Bukur fare" i thashë unë. "Buzëqeshi edhe ti". Pas pak, ai djali u afrua fare pranë nesh. Nuk e di nëse ishte turpi apo thjeshtë dëshira për t'u dukur interesante por në vend që Diana të kthehej në drejtim të tij dhe të buzëqeshte, ajo vazhdoi bisedën me mua.

Disa minuta më vonë ne pamë sesi ai djali simpatik ishte kredhur i tëri në një bisedë tepër të ngrohtë kokë më kokë me një vajzë tjetër. Dianës sa s'i ra pika, "Me sa duket më ka parë nga afër, kështu që vendosi të mos më flasë!". "Jo, moj vajzë," i thashë unë me dëshirën për ta shkundur. "Gabimi yt ishte që ti nuk iu përgjigje interesimit të tij". Diana nuk bëri veprimin e parë dhe më të rëndësishëm të "vallëzimit thelbësor të intimitetit". Ajo nuk u kthye në drejtim të tij.

Mundësi të vajtura dëm si kjo ndodhin gjatë gjithë kohës, në të gjithë rruzullin tokësor. Shpesh, ata që me zor presin t'u afrohet dikush janë pikërisht ata që largohen.

Artikulli vazhdon këtu: Fjala magjike
Related Posts with Thumbnails
blog comments powered by Disqus
Respektoni punën e të tjerëve.
Mos i vidhni artikujt e youalbania.com

Nëse doni të mbushni faqen tuaj me artikuj rreth seksit dhe dashurisë, bëjeni këtë nëpërmjet punës tuaj personale dhe jo duke vjedhur.